Dy javë pas emërimit të saj, Prokurorja special, Katica Janeva ka përzgjedhur dhe prezantuar para opinionit ekipin e vet prej 14 prokurorëve, që do të kryejnë të gjitha hetimet që kanë të bëjnë më aferën e përgjimeve ku kryeministri, Nikolla Gruevski dhe bashkëpuntorët e tij akuzohen për krim dhe korrupsion.
Prokurorja Janeva shpreson se i gjithë ekipi i tij do të pranohet nga Këshilli i Prokurorëve në Maqedoni në mënyrë që ajo dhe kolegët e saj të punojnë me sukses.
Në mesin e prokurorëve të përzgjedhur që do jenë pjesë e ekipit të Prokurores Speciale, janë edhe katër shqiptarë. Bëhet fjalë për prokurorët: Fatmir Fetai, Artan Ajro, Bajram Rustemi, Lejla Kadriu. Të tjerët, maqedonas, janë: Gavril Bubevski, Darko Jakimovski, Elizabeta Jakimovska, Lence Ristovska, Lile Stefanova, Lubomir Lape, Mare Gjorgjeva, Snezhana Bundalevska dhe Stevco Donçev.
“Prokurorët janë të njohur për nga profesionaliteti i tyre, dhe e luta Këshillin që sa më shpejtë të vendos për këtë përzgjedhje që të mundemi të fillojmë me punë”, deklaroi prokurorja speciale, Katica Janeva.
E pyetur nëse frikësohet për nga siguria e saj, Janeva tha “Unë nuk frikësohem, jam shumë e guximshme”.
Në fund ajo theksoi se do të bashkëpunon në mënyrë profesionale me opinionin dhe mediumet dhe për çdo cështje ajo dhe ekipi saj do të jenë të kapshëm për përgjigje të shpejtë. /tesheshi.com/
