“Viktimë” e radhës për Prokurorinë Speciale të Maqedonisë ka qenë ish-drejtori i Shërbimit Sekret Sasho Mijallkov. Sërish ka qenë prokurorja shqiptare, Fatime Fetai, ajo e cila në një press-konferencë për media ka paraqitur akuzat me padi për shtatë persona për lëndën e rë të quajtur “Tortura”.
Sipas saj, ndaj këtyre personave do të kërkohet edhe masë “Kujdesi” sipas ligjit penal të Maqedonisë neni 146, pika 1, alineja 7.
Ndryshe, lënda “Tortura” ka të bëjë me urdhrin me të cilin Mijallkov dëgjohej në përgjimet e liderit të partisë opozitar, Zoran Zaev, se si urdhëron policët “Alfa” që gjatë arrestimit të ish-ministrit të Punëve të Brendshme, Lube Boshkovskit të shkaktojnë edhe dëm shpirtëror ndaj tij.
Fetai nuk ka mundur të përmbahet dhe në këtë formë ka cituar edhe disa fraza që janë përdorur gjatë arrestimit të Boshkovskit: “Shtrine në tokë”, “Në tokë të arrestohet”, “Shefi na tha se 8 vite burg do të fitosh” etj.
Kujtojmë se Fetai, për dallim nga hera e parë, kësaj radhe ka mbajtur press-konferencën edhe në gjuhën shqipe edhe në atë maqedonase. M.Krasniqi /tesheshi.com/
