Një pakujdesi e prindit ka çuar në vdekjen e fëmijës, ngjarje e ndodhur pasditen e së enjtes në Shkup.
Policia maqedonase nuk jep emra, por rrëfen ngjarjen, sipas së cilës, fëmija 1 vjeç e gjysëm, është shtypur nga makina e të atit në një oborr shtëpie ku jetonin gjyshërit e të voglit.
Babai i fëmijës, makinën “Pasat” e ka vendosur në oborr dhe ka shkuar të përshëndetet me prindërit e tij dhe, jur është afruar tek makina ka vërejtur se ajo ka lëvizur dhe i ka shkelur fëmijën.
Më pas, me shpejtësi fëmija është dërguar në spital duke u vënë në repartin e përkujdesit intensiv, por mjekët nuk kanë arritur që ta shpëtojnë atë nga vdekja, për shkak të lëndimeve të marra. /tesheshi.com/
