Gjykata themelore në Shkup ka anuluar seancën gjyqësore të paraparë për sot ndaj Grupit të Kumanovës ,për arsye sigurie.
Policia nuk ka mundur që të asistojë në këtë seancë, për shkak se gjitha kapacitetet i ka dërguar në kufirin me Greqinë, për shkak të protestave të refugjatëve.
Lajmin për shtyrjen e seancës përmes telefonit na e konfirmoi edhe avokati mbrojtës , Naser Raufi
“Sipas shpjegimit të trupit gjyqësor seanca sot anulua për arsye se njësitë speciale që janë të angazhuara për sigurimin e te akuzuarve kane patur obligim dhe angazhim ne vend tjetër , më saktësisht të kufiri me Greqinë, për këtë rastin që ka të bej me migarntët”
Raufi bëri të ditur se seanca e radhës është caktuar për me 21 prill.
Deri më tani janë mbajtur tre seanca të mbyllura ,ku janë dëgjuar dëshmitë e dëshmitarëve të mbrojtur të propozuar nga Prokuroria, numri i të cilëve arrin në katërdhjetë.
Nga 29 të akuzuarit për ngjarjet në” lagjen e Trimave” në Kumanovë, 19 janë shtetas të Kosovës dhe 10 të Maqedonisë.
/tesheshi.com/
