Në prill, Hassan Diab, një gazetar i Vecernji List në Zagreb, shkroi për rolin e luftëtarëve çeçenë dhe udhëheqësit të tyre Ramzan Kadyrov në luftën në Ukrainë.
Ambasada ruse në Kroaci nuk i ka pëlqyer raportimet për mizoritë e “skuadrave të vdekjes” çeçene, ndaj e kanë kontaktuar me telefon duke i thënë me ironi se kishte shkruar një artikull të mrekullueshëm.
“Ne do ta dërgojmë në Moskë…”, tha Diabi, t’i kishin thënë nga pëfaqësia diplomatike ruse.
“Dhe çfarë do të thotë kjo?”, i pyeta. “A do të thotë kjo që po më kërcënoni me vdekje?”
“Ata më thanë ‘mendo çfarë të duash’, dhe unë u thashë se po mendoj që po kërcënohem me vdekje”, tha Diab për Al Jazeera.
Policia u njoftua për gjithçka dhe mori të gjitha masat e nevojshme për Hassan Diab dhe familjen e tij. E përjavshmja Nacional raporton se Agjencia e Inteligjencës së Sigurisë së Kroacisë ishte gjithashtu aktive për rastin.
Ndërkohë, Kroacia dëboi sekretarin politik dhe këshilltarin e medias të ambasadës, të cilët ishin në një grup prej 24 diplomatësh rusë që duhej të largoheshin nga Zagrebi. /tesheshi.com/
