Në rolin e kreut të OSBE-së, kryeministri Rama ka “kthyer në detyrë” ish-ministrin e Jashtëm Ditmir Bushati, e kjo në kohën kur dukej se raportet mes tyre kishin ngrirë përfundimisht. Bushatit i është besuar posti i lartë i të Dërguarit Special të Kryetarit të Zyrës së OSBE-së, pra Ramës, e do jetë ai që do e dublojë kreun e mazhorancës në axhendën e tij.
Bushati u zvëndësua si ministër i Jashtëm me Gent Cakajn, zëvëndës i tij, në ndryshimet e mëdha në qeveri që pasuan protestat studentore. Por jo vetëm kaq. Mes Ramës e Bushatit nisi një “luftë e ftohtë” si për zhvillime të brendshme partiake e si për ato qeverisjen. Bushati nisi të bëhej kritik i qeverisjes, ndërkohë që Rama e zhveshi dhe nga detyra të tjera partiake. /tesheshi.com/
