Presidenti amerikan, Donald Trump thotë se do të tërhiqet nga disa aspekte të marrëveshjes “tërësisht të njëanshme të administratës Obama me Kubën”.
Duke folur në Majemi, Florida, Trump tha se politika e tij e re do të shtrëngojë rregullat që kanë të bëjnë me udhëtimin dhe do të dërgojë fonde në kombin ishullor të Karaibeve.
Ai nuk do të kthejë pas disa lidhje diplomatike dhe tregtare dhe nuk do të heqë ambasadën amerikane në Havana. Fluturimet nga Shtetet e Bashkuara do të vijojnë, ashtu sikundër edhe lejimi i amerikanëve të fusin në territorin e shtetit të tyre produkte kubaneze.
Trump e nisi komentin e tij duke reflektuar mbi komunizmin dhe duke u shprehur i ndërgjegjshëm se “kubanezët kanë një histori të dhimbshme për të treguar për natyrën e vërtetë dhe brutale të regjimit të Kastros”.
“Përfitimet nga investimet dhe turizmi shkojnë drejtpërdrejt tek Ushtria”, tha Trump duke marrë duartrokitje. “Regjimi merr paratë dhe zotëron industrinë”.
“Ne nuk duam që dollarët amerikanë të nxisin monopolin e ushtrisë që shfrytëzon dhe abuzon me qytetarët e Kubës”, tha presidenti përpara audiencës në shtetin ku jetojnë shumë emigrant kubanezë. Më herët gjatë ditës, zëvendës-presidenti Mike Pence vizitoi lagjen kubaneze në Majemi e luajti domino me kubano-amerikanët. /tesheshi.com/
