Opozita në parlament bllokoi sërish foltoren dhe kjo në kohën kur po fliste, për herë të parë, ministrja e re e ekonomisë Anila Denaj.
Me gjuhën e kreut Basha, opozita kërkoi që parlamenti të kishte në fokus shkrimin e Zërit të Amerikës mbi blerjen e mundshme të zgjedhjeve.
Basha kërkoi që kryeministri Ramë të ishte prezent në seancë, pasi nuk ishte, dhe kërkoi që të mos ecej sipas rendit të ditës, gjë që diktohej në emër të rregullores nga kreu i Kuvendit Gramoz Ruçi.
“Në këtë Kuvend ka kohë që ka rënë hija e mortit. Se dini se përse jeni këtu. Jeni këtu për shkak të një grushti kriminelësh që iu kanë kapur prej rrobash. Gjithçka që kemi thënë është vërtetuar dhe është publikuar nga mediat më serioze të botës. Rama është njeriu që ka përgjegjësinë për shndërrimin e parlamentit nga tempull të demokracisë në bodrum krimi. Hipokrizia merr fund sot. Këtë sallë mund ta pastrojë vetëm atij që i takon kjo sallë, popullit shqiptar”, deklaroi Basha.
Reagoi Ruçi duke thënë:
“Z.Basha, uluni poshtë. Mos më detyroni të marr masa. Më tepër respekt për zonjën, aq më tepër që e ka për herë të pare”.
Nga ana tjetër, kreu i grupit parlamentar socialist Taulant Balla, tha se opozita i ka të gjitha instrumentet për ta marrë në ballafaqim shefin e qeverisë, duke kërkuar interpelancë me të, seanca pyetje – përgjigje, apo dhe votbesim. /tesheshi.com/
