SHKRESAT/ Pas vetëvrasjes së Mehmetit, si u flak për karton romani i Bashkimit Shehut

Pesë ditë pas “vetëvrasjes së ish-kryeministrit Mehmet Shehu, mbi familjen e tij ishin drejtuar prozhektorët e hakmarrjes.

Si një prej shenjave të para të pozicionimit të familjarëve të tij në llogoren e armikut nga ana e kupola drejtuese,  është edhe një shkresë ku propozohet të bllokohet në shtypshkronjë libri i djalit të tij, Bashkim Shehut, “Retë e detit”, e më pas të kthehej në karton.

Propozimin e kishte bërë vetë drejtori i shtëpisë botuese “Naim Frashëri”, Thanas Leci, i cili në fund të kërkesës së tij thotë se “për arsye të autorit, libri nuk mund të qarkullojë dhe duhet të hidhet në karton”.

Kërkesa u përpilua vetëm pesë ditë pas vetëvrasjes së bujshme. Ndërsa përgjigja për ta hedhur librin në karton i vjen në mesin e muajit janar 1982, afro tre javë pas ngjarjes.

Ngjashëm u bllokua dhe filmi dhe “Terror ‘43”, mu për faktin se kishte për autor Bashkimin, film që transmetohet sot.

Më poshtë të dy shkresat, kërkesa dhe miratimi për ta hedhur në karton librin e Bashkim Shehut, “Retë e detit”. /tesheshi.com/