Në profilin e FB të Drejtorisë së Arkivave është publikuar një set fotosh nga bora e rënë në Shqipëri në kohën e italianit, të cilat janë marrë nga Instituti LUCE.
“Borë nga e shkuara
Instituti Kombëtar LUCE (Isituto Nazionale LUCE) i Italisë fashiste u themelua më 1924. Instituti me qendër në Romë kishte detyrë prodhimin dhe shpërndarjen e dokumentarëve dhe filmave kinematografikë. Gjatë periudhës fashiste u kthye në instrumentin kryesor të propagandës fashiste. Si në çdo mbretëri të nënshtuar ndaj kurorës së Savoiave, LUCE kishte misionin e vet edhe në Shqipëri. Nga një ditë me reshje bore, fotografët e LUCE na kanë lënë këto fotografi të dimrave të vitit 1939 dhe 1941. Foto: Fototeka e AQSh (imazhe prodhuar nga Istituto Nazionale LUCE)”, shkruhet nga Drejtoria e Arkivave dhe më pas serviren fotot nostalgjike, të cilat vijnë në një moment ku në një pjesë të territorit shqiptar, përfshirë dhe Tiranën, po bie borë. /tesheshi.com/
