Në mbrëmjen e djeshmë në Çarshinë e Shkupit ka ndodhur një përleshje fizike që më pas ka vazhduar edhe me shkrepje armësh në ajër. Kjo është bërë e ditur për portalin “Libertas” nga dëshimtarë të ngjarjes, të cilët kanë theksuar se incidenti ka ndodhur para kafiterisë “Libraria e Çarshisë” në Çarshinë e vjetër në Shkup, ku anëtarë të BDI-së janë përleshur fizikisht mes vete, ndërkohë që ka patur edhe gjuajtje nga armë zjarri në ajër.
Sipas dëshmitarëve, nga rrahja (përleshja fizike) më së keqi ka kaluar drejtori i shkollës së mesme tregtare SH.Z., i cili është edhe kandidat i ri për drejtor në Fondin Pensional, nga radhët e BDI-së.
Sh. Z., sic thuhet, është rrahur nga një koleg i tij, profesor në një shkollë tjetër i quajtur Bilgin!
Incidenti në fjalë nuk ka përfunduar vetëm me rrahje, por i rrahuri SH.Z., pak me vonë është kthyer dhe ka gjuajtur nga pistoleta e tij, por fatmirësisht nuk ka patur pasoja, kanë rrëfyer për “Libertas” dëshmitarë okularë. /tesheshi.com/
