Çdo vit shpallen fotografitë më të mira të lajmeve në botë, një lloj Oscar-i i fotografisë gazetareske.
Fituesi për vitin 2019 është John Moore, i cili punon për Getty Images, një nga agjensitë më të mëdha të fotografisë në botë.
Pamja e vlerësuar me çmim e Moore është me të vërtetë prekëse dhe u krijua në kohën kur Presidenti Trump tregoi zero tolerancë ndaj refugjatëve. Fjala është për periudhën e metodën e ndarjes së prindërve nga fëmijët në kufirin meksikano-amerikan.
Moore kapi çastin kur kontrolli kufitar i SHBA kishte ndaluar një nënë dhe vajzën e saj. Vajza 2-vjeçare Yanel nga Hondurasi qante gjatë kontrollit e më pas kur u nda nga nëna e saj Sandra Sanchez. Fotoja bëri xhiron e botës dhe do ishte simboli i një reagimi të fuqishëm të opinionit ndaj metodave të Trump. /tesheshi.com/
