Përleshjet midis ushtrive pakistaneze dhe indiane në zonën kufitare po bëhen gjithnjë e më intensive. Pati shkëmbime të përsëritura zjarri, duke përfshirë përdorimin e armëve të vogla dhe raketave antitank, duke rezultuar në një numër të madh viktimash nga të dyja palët.
Gjatë orëve të mbrëmjes, forcat pakistaneze iu përgjigjën zjarrit nga India duke përdorur dhe raketa antitank, të cilat shënjestruan pozicionet e trupave indiane.
Tensionet në kufi nuk po pakësohen dhe mediat në të dy vendet po aludojnë gjithnjë e më shumë për mundësinë e një konflikti të hapur.
Imazhet satelitore dhe raportet nga terreni tregojnë një grumbullim intensiv të njësive të blinduara dhe të artilerisë përgjatë kufirit, ndërsa analistët ushtarakë pakistanezë paralajmërojnë se India mund të nisë veprime ushtarake brenda 24 orëve të ardhshme. Megjithatë, Nju Delhi zyrtar mohon çdo plan për të pushtuar Pakistanin.
Por aktiviteti në rritje i dronëve indianë të zbulimit, disa prej të cilëve janë rrëzuar, ngre më tej dyshime rreth një skenari të mundshëm të një konflikti të armatosur më të gjerë.
Të dyja palët kanë rritur nivelin e gatishmërisë luftarake, ndërsa përleshjet kufitare vazhdojnë me shkëmbime të shpeshta zjarri.
🔻🔻🔻🔻🇵🇰 pic.twitter.com/gQ5GCYey42
— Pakistan military (@Pakistanmilita) April 29, 2025
Tensionet me dy fqinjëve njeri musliman e tjetri hindu, me fërkime historike për shkak të një krahine të quajtur Kashmir, e Pakistanit por e pushtuar nga India, u rikthyen pas vrasjes së disa turistëve hindu. Për Indinë, akti mban autorësi pakistaneze, gjë që Islamabadi e mohon.
Kujtomë se të dy vendet janë fuqi bërthamore. Dhe, nëse shpërthen një konflikt mes tyre, nuk ka gjasë që mos përfshihen në të dhe fuqi të tjera, duke rrezikuar kështu një luftë me përmasa botërore. /tesheshi.com/
