Shkoni me biçikletë në punë, ulni rrezikun nga kanceri dhe sëmundjet e zemrës

Në qoftë se dëshironi të jetoni më gjatë dhe të reduktoni rrezikun nga kanceri dhe sëmundjet e zemrës, atëherë ju duhet të shkoni në punë me biçikletë, sipas një studimi të ri.

Studimi pesëvjeçar në të cilin janë përfshirë 250.000 britanikë, ka treguar se ecja në këmbë ka disa avantazhe ndaj qëndrimit ulur në transportin publik dhe në makinë. Hulumtuesit theksojnë se shkuarja në punë me biçikletë pushon së qenuri çështje e dëshirës në momentin kur ajo fillon të bëhet pjesë e rutinës së punës. Studimi ka krahasuar njerëzit që kanë qenë aktivë, me ata që kanë qëndruar ulur rrugës për në punë.

Gjithsej 2.430 subjekte të studimit kanë vdekur, 3478 janë diagnostikuar me kancer dhe 1110 prej tyre kanë shfaqur probleme me zemrën. Studimet kanë treguar se ecja e rregullt me biçikletë ul rrezikun nga vdekja për cilëndo arsye me 41 përqind, rrezikun nga kanceri me 45 për qind dhe rrezikun nga sëmundjet e zemrës me 46 për qind.

Edhe ecja në këmbë zvogëlon rrezikun e sëmundjeve të zemrës, por vetëm nëse njerëzit ecin më shumë se nëntë kilometra në javë.

Përfitimet shëndetësore janë arritur edhe nga ata të cilët kombinojnë çiklizmin dhe transportin publik. Studimi është publikuar në British Medical Journal. /tesheshi.com/