Ky rast është i vitit 2007, por është rikthyer sërish në vëmendjen e mediave këto ditë, pas publikimit të një artikulli për shqyrtimin e tij në një revistë shkencore. Rasti vjen nga Franca dhe ka ngjallur shumë diskutime në radhët e mjekëve.
Një burrë i moshës 44 vjeçare shkoi në urgjencë, për shkak të dhimbjeve të forta që kishte në këmbë, ku dhe ju nënshtrua disa kontrolleve. Në mesin e tyre mjekët kërkuan edhe një radiografi për kokën, duke zbuluar diçka të pabesueshme, burrit i mungonte gjysma e masës së trurit.
Siç shpjegon në revistën “New Scientist”, doktor Lionel Feuillet, “Truri dukej i reduktuar në gjysmën e tij në pjesën frontale dhe parietale në të dy lobet. Këto zona kontrollojnë lëvizjen, ndjeshmërinë, gjuhën, shikimin, dëgjimin, emocionet dhe aftësitë njohëse”.
Sipas tij, shkalla e reduktimit të trurit ishte prej një anamneze që nga lindja, për shkak të shtimit të volumit të lëngjeve cerebrale. Mjekët i vendosën një pajisje që duhet të largonte lëngjet e tepërt, të cilën ja hoqën 14 vite më pas.
Ky proces nuk ka pasur rezultatet e shpresuara dhe në këtë mënyrë truri është reduktuar në masën 50%. Për shkak të këtij problemi burri ka nivel inteligjence më të ulët se mesatarja./tesheshi.com/
