6 vjet pas ngjarjes tragjike të 21 janarit me katër të vrarë në bulevard para Kryeministrisë, viktimat shkojnë në 5. Kjo pasi Gjykata Administrative e Tiranës ka njohur si viktimë edhe Bardhosh Myrtajn, të birin e Faik Myrtaji, i cili u vetëvra tre muaj më pas nga në kushte të rënda psiqike nga humbja e të atit.
Ndaj, gjyqtarja Silvi Gjonçaj tha Garda e Republikës duhet të dëmshpërblejë familjarët e kësaj familjeje edhe për vetëvrasjen e 22-vjeçarit, i cili ka qenë nën efektin e zisë patologjike.
Më tej, të njëjtin qëndrim mbajti dhe avokati i familjarëve të viktimave të 21 Janarit, Dorian Matlia, në një prononcim për Top Channel.
“Konsideroj Gardën e Republikës fajtore, ekskluzivisht gardën dhe jo Policinë e Shtetit, sepse vrasjet erdhën nga garda. Gjykata ka njohur edhe viktimën e pestë, djali i Faik Myrtaj, që ka kryer një vetëvrasje në kushte të rënda psikike si pasojë e vrasjes së të atit. Prandaj, garda do të paguajë dëmshpërblim jo vetëm për personat që i dimë, por edhe për një person të pestë”, deklaron Matlia.
Ky zhvillim ndodh një ditë pasi qeveria akordoi një dëmshpërblim prej 1.2 milion eurosh ndaj katër viktimave të asaj dite. /tesheshi.com/
