Ka shkuar në 33 numri i të infektuarve në Shqipëri me virusin COVID-19. Sipas kësaj infoje të fundit nga Ministria e Shëndetësisë, ata ndodhen në:
19 në Tiranë
5 në Durrës
1 në Lushnje
2 në Elbasan
4 në Fier
2 në Rrogozhinë
Ndërkohë, siç dihet, ka vetëm një humbje jete, e cila ishte një 79-vjeçare nga Durrësi.
Ndërkohë, nga bluzat e bardha kanë vetëm një të infektuar, siç bëri me dije zv/ministrja e Shëndetësisë Mira Rakacolli.
“Në bazë të rezultateve që tashmë kanë dalë, nga kampioni i dytë i mostrave të marra, 39 mostra të mjekëve, infermierëve dhe pacientëve, vetëm 1 mjek rezulton pozitiv, i cili nuk ka simptoma, aktualisht është i vetëizoluar dhe po hulumtohet më tej. Gjithsej janë kryer 89 testime në spitalin e Durrësit.
Nga numri total i të prekurve nga COVID-19 janë 25 persona të vetëizoluar në gjendje të mirë shëndetësore dhe 177 të vetëkarantinuar”, deklaroi ajo.
Kujtojmë se koronavorusi kërcënon vetëm shëndetin e jetën e atyre që janë në moshë të thyer, e që gjithashtu kanë sëmundje kronike. /tesheshi.com/
