Numri i të vdekurve nga tsunami që goditi ishujt e Java dhe Sumatra në Indonezi u rrit në të paktën 281, ndërsa qindra njerëz u plagosën, thanë zyrtarët.
Shpëtuesit janë në kërkim të trupave në gërmadha, me makineri të rënda, por duke përdorur dhe duart e zhveshura, raporton Reuters.
Tsunami goditi bregdetin Sundskog, por banorët thonë se nuk kanë parë as ndjerë ndonjë shenjë paralajmëruese të tilla si tërmet apo tërheqje oqeani, para se valë deri dy deri në tre metra të godisnin bregun.
Supozohet se tsunami është shkaktuar nga një rrëshkitje toke nënujore, ndoshta prej shpërthimit të vullkanit Anak Krakatau.
Siç zbuloi një zyrtar, shumica e viktimave ishin indonezianë me pushime fundjave.
Tsunami i së shtunës kujton atë që ndodhi në kohën e Krishtlindjeve në Oqeanin Indian më 26 dhjetor 2004. Ai u shkaktua nga një tërmet dhe vrau 226,000 njerëz në 14 vende, duke përfshirë 120,000 në Indonezi. /tesheshi.com/
