Fshati Selac është më i largëti i komunës së Mitrovicës. Fshat malor me dimër të ftohtë. Aty banojnë 18 familje e 90 banorë.
Shpërngulja e banorëve pas luftës vazhdoi me ritme të larta. Në shkollën e fshatit kanë mbetur vetëm 11 nxënës.
Në klasën e tretë dhe të pestë nuk ka asnjë nxënës, kurse në klasën e parë, të dytën, gjashtën dhe të nëntën janë vetëm nga një nxënës, me të cilët punojnë 13 mësues.
Drejtori i shkollës “Bislim Halimi” thotë se edhe niveli lokal edhe ai qendror pak kanë bërë dhe pak po bëjnë për këtë fshat.
Shukrane Hoti është arsimtare e gjuhës shqipe. Ajo po i jep mësim vetëm një nxënësi në klasën e gjashtë.
Arsimtarja Hoti udhëton nga Mitrovica në Selac me shpenzimet e veta për transportin.
“Është e vështirë të punohet vetëm me një nxënës. Edhe nxënësi e ka të vështirë sepse nuk ka shokë e shoqe për të garuar me ta”, tha ajo.
Shkolla e fshatit mund të mbetet pa nxënës nëse nuk rregullohet rruga. /tesheshi.com/
