Shkodra është tronditur sërish nga krimi. Pas një sërë shënjestrave me objektiv policë, vjen atentati që i merr jetën një emri me mbiemrin e njohur Bajri.
Bëhet me dije se shtetasi Naim Bajri është ekzekutuar me armë zjarri dhe një tjetër ka mbetur i plagosur në lagjen “Rus”.
Mësohet se rreth 20 vite më parë, viktimës i kanë vrarë edhe djalin.
Bëhet fjalë për një ngjarje të ndodhur në vitin 2001, ku shtetasi, Xh.Shega, në bashkëpunim me shtetasit Ilmir Hajdari dhe Kujtim Barbullushi, kanë vrarë me armë zjarri shtetasin Endrit Naim Bajri.
Pak minuta pas krimit, është gjetur një mjet i djegur në afërsi të Bypass-it të Shkodrës, e cila dyshohet se u përket autorëve.
Kujtojmë se vitet e fundit Shkodra është kthyer në arenë krimi që ende s’po ka të ndalur. /tesheshi.com/
