Shkodra ka nderuar këtë të premte, me titullin e Mirënjohjes, një ndër emrat më të shquar të botës islame, të shumënjohurin e dijen klasike islame, Shejh Albanit.
Një shkodran nga ata safi, larguar që fëmijë nga Shkodra në vitin 1914, kur babai i tij vendosi zhvendosjen, apo ndryshe emigrimin në Siri, ai do mbante mbiemrin e atdheut të tij, duke e bërë atë të njohur nëpërmjet famës që fitoi prej emrit të tij të madh në fushën e dijes islame. 
Si një prej mendjeve të vyera të Islamit, Shejh Albani ka lënë pas një trashëgimi të gjigande si autor librash, duke qenë një ndër referencat kryesore në dijen islame. Por dhe njëherë, duke mbajtur si mbiemër vendin nga erdhi, si identitet të fortë nacional dhe mall gjithashtu, ai e bëri të njohur Shqipërinë jo vetëm në botën islame, por kudo në botë ku ka muslimanë. Kësisoj, ai renditet dhe si një shkodran me famë botërore.
Ka qenë një inisiativë e deputetit shkodran Agron Çela që ka bërë të mundur dhënien e të parit titull në Shkodër për Shejh Albanin, si një start për ta shpërfaqur dhe nderuar më shumë këtë figurë te ajo pjesë e shoqërisë shkodrane apo shqiptare që ende nuk e njohin apo kanë njohje të pakta mbi të, për të vijuar me dhënien e një vendi nderi më shumë se një “Mirënjohje” në të ardhmen. /tesheshi.com/
