Në Shkodër, shënohet protesta e parë kundër masave të ndërmarra nga qeveria për të luftuar informalitetin, të cilat cilësohen nga protestuesit si shumë të ashpra dhe që rëndojnë mbi qytetarët.
Protesta u organizua nga sindikatat dhe në të morën pjesë përfaqësues të biznesit dhe qytetarë të Shkodrës. Pjesëmarrësit u nisën nga pedonalja dhe marshuan përmes qytetit. Protestuesit thanë se i konsiderojnë drastike masat e qeverisë kundër informalitetit, dhe që rëndojnë direct mbi jetën e tyre të përditshme.
Edhe përfaqësues të biznesit thanë se mbështesin qeverinë në luftën e saj ndaj shkelësve, por nuk janë dakord me masa drastike, që sipas tyre, rëndojnë mbi aktivitetin e biznesit.
Me anë të kësaj proteste, kërkohet nga qeveria të japë më shumë kohë biznesit për t’u formalizuar, e më pas, të aplikojë gjobat dhe penalitetet e tjera. /tesheshi.com/
