Ka qenë një akt i lartë qytetarie politike ai i kalimit të Bashkisë së Shkodrës nga njëri kryebashkiak të tjetri, paçka siglave të kundërta politike.
Bardh Spahia ia ka “dorëzuar çelësat” e institucionit të parit emër nga PS-së në drejtim të qytetit verior, Benet Becit, kandiduar nga e majta por ardhur nga e djathta në një lloj trashëgimie edhe sociale, duke llogaritur faktin se emrin e tij si menaxher e bëri nën qeverisjen e Berishës.
“Kënaqësi që mbledhja e konstituimit përfundoi me një takim me z. Bardh Spahia. I urova atij suksese në angazhimet e tij të reja dhe e sigurova se dera do të jetë gjithmonë e hapur për të mirën e Shkodrës”, u shpreh Beci në rrjetet sociale, ku publikoi foto nga takimi.
Edhe gjatë fushatës, ata patën takime korteziale mes tyre, pa u përfshirë në ndonjë akuzë, tipike nga ato të fushatave elektorale.
Marrja e Shkodrës me Benet Becin kandidat, ishte për Edi Ramën fitorja më e madhe e 14 majit, një bast i tij me veten që prej vitesh synonte ta fitonte(siç). /tesheshi.com/
