Një 26-vjeçar është gjetur i pajetë në një kanal në fshatin Barbullush të Shkodrës.
Sic thuhet në njoftimin e policisë lokale,“menjëherë në vendngjarje kanë mbërritur shërbimet policore ku kanë konstatuar se viktima është shtetasi R.B. 26 vjeç, banues në Barbullush, i cili është dërguar në Morgun e Spitalit Rajonal Shkodër. Nga këqyrja paraprake mjeko – ligjore, në trupin e viktimës nuk konstatohen shenja dhune apo të ndonjë faktori tjetër të jashtëm”..
Sipas deklarimeve të bëra nga personat që e kanë njohur, viktima kishte probleme mendore dhe ishte përdorues alkooli. Ekspertiza e ka përcaktuar si “të mbytur”, por kjo nuk lidhet me situatën e përmbytjeve, aq më tepër që Shkodra edhe kësaj here ka mbetur jashtë hartës së fatkeqësisë. /tesheshi.com/
