Për Stephen Hawking-in, ekspertin në fizikën teorike dhe në kozmologji, suksesi i Donald Trump-it për garën presidenciale është një mister.
Astrofizikanti britanik Steven Hawking mund të kuptojë se si funksionon gjithësia, por assesi nuk mund ta kuptojë popullaritetin e Donald Trump-it.
Hawking ka thënë për ITV-në se Trump “është një demagog, i cili siç duket thërret në emëruesin më të vogël të përbashkët”.
Shkencëtari i njohur u ka apeluar votuesve në Britani të Madhe që të votojnë për të qëndruar në Bashkimin Europian në referendumin i cili do të mbahet më 23 qershor.
“Qëndrimi i Britanisë së Madhe në Bashkimin Europian ka siguruar mbështetje thelbësore për kërkimet shkencore të Britanisë, si dhe për ekonominë e sigurinë e saj,” ka thënë ai.
“Ka kaluar koha kur kemi mundur të qëndrojmë vetëm kundër të gjithëve. Ne duhet të jemi pjesë e një familje më të madh të popujve, për të mirën e sigurisë dhe tregtisë sonë,” ka deklaruar Hawking. /tesheshi.com/
