Disa raketa të vogla do të lëshohen në hapësirë për të studiuar universin e largët në projektin më ambicioz në historinë e njerëzimit.
Disa shkencëtarë, përfshirë Stephen Hawking dhe mbështetës nga bota e internetit si Yuri Milner dhe Mark Zuckerberg do të dërgojnë “nano raketa” thellë në hapësirë për të eksploruar zonat më të largëta që ka parë ndonjë herë njerëzimi.
Projekti ambicioz mund të zbulojë sekrete të universit si dhe do të mundësojë fotografimin e vendeve që mund të mbështesin jetën.
Projekti i quajtur “Starshot Project” shpreson t’i dërgojë mini robotët në sistemin e yjeve “Alfa Centauri”, rreth 40 miliard kilometra larg. Për të shkuar atje me mjete normale do të duheshin rreth 30 mijë vjet, por me projektin e ri shpresohet se me anë të këtyre mini raketave kjo të bëhet për 20 vjet.
Nano raketat do të përçojnë vetëm disa gramë dhe do të lëshohen në hapësire nga një anije nënë, e cila do t’i mbart ato në hapësirë, për të udhëtuar më pas me një shpejtësi që arrin deri në 25 për qind të shpejtësisë së dritës. /tesheshi.com/
