Ajo që mori emrin si “sëmundja xhihadiste” mu pse përhap në mënyrë të pashpjegueshme në vendet ku u shtri pushteti i ISIS-it dhe që përfshinte një kalbje të organeve të jashtme, duke nisur nga fytyrat.
Leishmaniasis, e cila nuk ishte zbuluar më parë në Siri dhe Irak, arriti në këto vendet në të njëjtën kohë me ISIS-in.
Sëmundja e tmerrshme normalisht përhapet përmes insekteve, që janë në masë në këtë rajon.
Tani që shumica e territoreve janë çliruar, shkencëtarët më në fund kanë pasur mundësinë të studiojnë të infektuarit për të zbuluar origjinën e sëmundjes, e për të gjetur më pas vaksinën.
Nga studimet e para mësohet se mikrobet e kësaj sëmundjeje erdhën nga Irani, një vend armiqësor ndaj militantëve të ISIS.
Shkencëtarët sugjerojnë se fillimisht këto insekte u transferuan në tokat e reja nga iranianët. Pasi mbërritën në vendin e tyre të ri, insektet lulëzuan në trupat e shumta të kundërshtarëve të vrarë të terroristëve, trupat e të cilëve shpesh u lanë në rrugët e qyteteve të Irakut dhe Sirisë duke u kalbëzuar.
Prototipet e para të vaksinave u shfaqën në shkurt të vitit 2017, por tani shkencëtarët kanë një shans për ta përsosur atë dhe për ta përputhur më saktë tendencën që po shqetëson Sirinë dhe Irakun.
Leishmaniasis është një sëmundje që shkakton nekrozë dhe përhapet në të gjithë trupin, madje edhe nga brenda, në raste të caktuara. Forma e saj e brendshme mund ta vrasë njeriun brenda 20-30 ditësh. /tesheshi.com/
