Deri sot, teoria më e përhapur dhe më e vërtetuar shkencërisht na ka treguar se truri ynë, për shkak të një “defekti”, kategorizon menjëherë në memorie ngjarjen që po përjetojmë.
Kërkuesi AkiraO’Connor, nga universiteti St. Andrew ,në një konferencë ndërkombëtare mbi memorien të mbajtur para një muaji, shpjegonte se ka arritur të vëzhgojë aktivitetin e trurit gjatë përjetimit të një déjà-vu-je. Vëzhgimi në fjalë hedh poshtë teorinë e mëparshme.
Ai ka marrë nën vëzhgim 21 pjesmarrës, të cilëve u ka lexuar fjalë të një teme të caktuar, por pa përmendur temën në fjalë. Përshembull ju ka lexuar atyre fjalë si: jastëk, mbulesë, çërçaf, krevat, natë, por pa përmendur fjalën “gjumë”. Më pas i pyet ata nëse kanë dëgjuar ndonjë fjalë që fillon me “gj” dhe më pas kur i pyet nëse e kanë dëgjuar fjalën “gjumë” atyre u ndodh “déjà-vu”, sepse fusha leksikore u ka sygjeruar atyre në subkoshiencë këtë fjalë edhe pse pa u përmendur.
Pra shkurt, “déjà-vu-ja” nuk është gjë tjetër vetëm se një kontroll i trurit në kujtesë për të parë nëse ka ndonjë gabim midis asaj që kemi përjetuar dhe asaj që mendojmë se kemi përjetuar. Pra një shenjë e mirë se truri yn funksionon shumë mirë. Kjo do të thotë se tek të moshuarit ka pak ose aspak përjetime “déjà-vu-je” dhe se ajo 30 përqind e popullsisë që nuk e ka përjetuar kurrë ndjenjën e “déjà-vu” ka një memorie shumë efikase dhe nuk ka gabime për të korigjuar. /tesheshi.com/
