Studiues të qendrës shkencore në Universitetin e Teksasit kanë ngritur një sistem me një përzierje xhel-polimer, e quajtur ‘hidroxhel’, nëpërmjet të cilit bëhet pastrimi i ujit. Hidroxheli mundëson avullimin e ujit nën dritën e diellit.
Vetia e këtij hidroxheli për të hequr kripën nga uji, është testuar tashmë në disa kampione uji nga Deti i Vdekur, ku kripa gjendet me shumicë. Nëpërmjet përdorimit të hidroxhelit, inxhinierët e Universitetit të Teksasit arritën të ulnin ndjeshëm nivelin e kripësisë në kampionet e ujit, të marra në vendin më të kripur të tokës. Në fakt, rezultatet ishin të atilla, që u afroheshin standardeve të duhura për ujin e pijshëm, të përcaktuara nga Organizata Botërore e Shëndetësisë dhe nga Agjencia për Mbrojtjen e Mjedisit të Shteteve të Bashkuara.
Mungesa e ujit ka nisur të shkaktojë probleme në vende të ndryshme të botës. Sipas National Geographic, në disa pjesë të Afrikës, Amerikës së Jugut dhe Australisë, njerëzit hasen rëndom me mungesën e ujit.
Ky kërkim shkencor ka një rëndësi jetike sepse do t’i sigurojë botës ujë të pijshëm. Kombet e Bashkuara kanë parashikuar se në vitin 2050, të paktën një në katër njerëz do të jetojë në një vend me mungesa të vazhdueshme të ujit të pijshëm.
Më poshtë mund të shihni se si funksionon konkretisht sistemi i hidroxhelit:
