Jemi mësuar të shikojmë në përgjithësi avionë, të cilët ngrihen në ajër dhe fluturojnë duke përdorur lëndë të djegshme dhe karburant, por ky nuk është aspak rasti i një avioni në Abu Dabi.
Në këtë vend ka nisur përpjekja për të thyer një rekord, duke fluturuar rreth botës me një avion me energji diellore. Avioni quhet Solar Impulse 2 dhe u ngrit nga Emirati duke u drejtuar për në lindje. Udhëtimi me këtë avion njëvendësh, i cili drejtohet nga Andre Borschberg nisi fluturimin në orën 07:12 me orën lokale.
Është menduar që avioni të ndalojë herë pas here në vende të ndryshme të botës, në mënyrë që të arrijë të kryejë mirëmbajtjen. /tesheshi.com/
