Alexander Ginzburg, drejtor i institutit rus Gamalej, tha se 85 përqind e vullnetarëve që morën vaksinën Sputnik V nuk kishin ndonjë efekt anësor.
“Tri faza të provave klinike të vaksinës Sputnik V tregojnë se asnjë efekt anësor nuk u regjistrua në 85 përqind të vullnetarëve, tha Ginzburg në një konferencë shtypi në Moskë, raporton TASS.
Drejtori i Institutit Gamalej tha se 15 përqind e vullnetarëve të vaksinuar patën skuqje në vendin e injeksionit dhe një dhimbje koke të lehtë që kaloi brenda 24 orësh.
Efekti anësor më i pakëndshëm që një person mund të zhvillojë pas marrjes së vaksinës është një temperaturë deri në 38 gradë për dy ditë, e cila mund të trajtohet me një tabletë paracetamol, shpjegoi Ginzburg.
Sputnik V është vaksina e parë e regjistruar në botë e koronavirusit.
Regjistrimi u bë më 11 gusht.
Provat klinike mbuluan gjithsej 40,000 njerëz, nga të cilët 10,000 morën një placebo në vend të një vaksine. /tesheshi.com/
