Sipas hulumtimit të ri, numri i peshkaqenëve të gjetur në oqeanet e hapura ka rënë me 71 përqind gjatë gjysmë shekulli, kryesisht për shkak të peshkimit të tepërt. Tre të katërtat e specieve të peshkaqenëve të studiuar tani janë zhdukur.
Studiuesit thonë se nevojitet një veprim urgjent për të siguruar një të ardhme më të mirë për këto “kafshë të jashtëzakonshme, të pazëvendësueshme”.
Ata u bëjnë thirrje qeverive të zbatojnë kufizimet e peshkimit të bazuara në shkencë. Kreu i studimit, dr. Richard Sherley i Universitetit të Exeter-it, tha se rënia e numrave duket të jetë shkaktuar në një pjesë të madhe nga aktivitetet e peshkimit.
Ai i tha BBC News: “Peshkimi ka sjellë një ulje prej 70 përqind në 50 vitet e fundit. Për çdo dhjetë peshkaqenë që keni pasur në oqeane në vitet 1970, ju keni tre sot.”
Peshkaqenët janë gjuajtur për mishin e tyre, pendët dhe vajin e mëlçisë. Ata janë të ndaluar për peshkim rekreativ dhe rastësisht shfaqen në kapjen e anijeve të peshkimit.
Nga 31 specie të studiuara, 24 janë të kërcënuar me zhdukje
Profesori Nicholas Dulvy i Universitetit Simon Fraser në British Columbia, Kanada tha se “zhdukja e peshkaqenëve kërcënon shëndetin e të gjithë ekosistemeve oqeanike, si dhe sigurinë ushqimore për disa nga vendet më të varfra të botës”, tha ai.
Peshkaqenët janë në krye të zinxhirit ushqimor dhe janë thelbësorë për shëndetin e oqeaneve. Humbja e tyre prek kafshët e tjera detare, si dhe jetën e njerëzve.
“Studimi ynë përfaqëson sintezën e parë globale të gjendjes së këtyre specieve thelbësore në një kohë kur vendet duhet të adresojnë progresin e pamjaftueshëm drejt qëllimeve të qëndrueshmërisë globale.
Edhe pse fillimisht e parashikuam kërkimin si një raport të dobishëm, tani duhet të shpresojmë që të shërbejë si një zgjim urgjent”, tha Nathan Pacoureau nga Universiteti Simon Fraser.
Kërkimi u botua në revistën Nature. /tesheshi.com/
