Një tjetër krim është regjistruar në Tiranë në orët e mbrëmjes së sotme, ku një 24 vjeçar është qëlluar me armë zjarri në zonën e Komunës së Parisit.
Nga të dhënat e para mësohet se 24 vjeçari i identifikuar si Lorenc Hoxha është plagosur në shpatull, ndërsa ndodhet nën kujdesin e mjekëve, jashtë rrezikut për jetën.
Policia ka ngritur postoblloqe dhe po punon për identifikimin dhe kapjen e autorëve.
24 vjeçari po udhëtonte me një automjet tip Mercedez, kur ka pasur të shtëna me armë. Policia thotë se nga hetimet paraprake ka rezultuar se ka pasur një shkëmbim zjarri midis disa mjeteve
Informacioni paraprak nga Policia:
Më datë 03.08.2017, në Numrin e Emergjencave 112, rreth orës 19:55, ka ardhur një telefonatë për shkëmbim zjarri në kryqëzimin e Komunës së Parisit.
Në vendngjarje kanë mbërritur shërbimet e policisë dhe ambulanca. Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.
Janë ngritur pika kontrolli në hyrje-dalje të qytetit. Vazhdon krehja e zonës.
Grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes. /tesheshi.com/
