Ka ardhur dhe një tjetër çmim për Shkëlzen Gashin, futbollistin e përfaqësueses së Shqipërisë që luan në Major League Soccer, në kampionatin amerikan të futbollit.
Ai është shpallur lojtari më social i këtij kampionati, duke fituar me 61 për qind të votave karshi Justin Meram-it, ndërkohë që për rival ka patur më herët dhe një futbollist të tillë si David Villa.
Në futbollin amerikan që nga shkurti i këtij viti, Gashi ka fituar dhe çmimet të tjera, siç qe ai i Golit të Vitit në MLS.
“Qe një vit i parë i pabesueshëm këtu në Shtetet e Bashkuara! Faleminderit çdokujt që e bëri këtë vit kaq të veçantë.”
Kështu shkruante më herët në llogarinë e tij në rrjetet sociale Shkëlzen Gashi, që shënoi dhjetë gola për ekipin e tij, Colorado Rapids, në sezonin e tij të parë në futbollin amerikan. /tesheshi.com/
