Më shumë se 100 fëmijë emigrantë janë kthyer mbrapsht në stacionin kufitar në Teksas, vetëm një ditë pasi u transferuan në qendrat e strehimit.
Afro 250 emigrantë ishin larguar nga stacioni i tejmbushur, pasi avokatët që u lejuan të hyjnë u alarmuan për kushtet tejet të rënda në të cilat gjendeshin fëmijët.
Neglizhenca ndaj tyre ka tronditur mbarë opinionin amerikan, ndërsa shefi i Mbrojtjes së Doganave dhe Kufijve, John Sanders, ka dhënë dorëheqje në shenjë pakënaqësie ndaj politikave që Donad Trump po i zbaton.
Ndërkohë, Nju Jork Times raporton për kushtet mizore në të cilat mbaheshin fëmijët, ku ata kishin mundësi të mbyteshin nga numri i madh i të vendosurve në këto qendra.
Një avokat tha se fëmijët po mbaheshin në qeli të mjerueshme, ku një vrimë toaleti në mes të saj shërbente për të gjithë të pranishmit, pa dyshek dhe pastë dhëmbësh. Raportet e mediave flasin se këta fëmijë madje po flenë në çimento.
“Askush nuk kujdesej për ata fëmijët, dhe as që kishin ku të pastroheshin,”, tha avokati në fjalë.
Gazetari amerikan Michael Scott Moore, i cili qe mbajtur peng në Somali në vitin 2012, tha se edhe terroristët u kishin dhënë atyre pastë dhëmbësh e madje edhe dyshek. /tesheshi.com/
