Bashkimi Evropian i ka vendosur një gjobë rekord prej 2.4 miliardë euro kompanisë Google. Kjo, për shkak të keqpërdorimit të pozitës së saj dominuese në kërkimet në Internet. Krahas kësaj mase financiare ndëshkuese të pazakontë, BE i i ka dhënë Google-it dhe afat 90 ditor për ndryshimin e mënyrës së punës.
Anëtarja e Komisionit të BE-së, përgjegjëse për Konkurrencën, Margrethe Vestager, tha në një deklaratë se “Google duke nxitur shërbimet e saj të krahasimit në rezultatet e kërkimeve dhe duke pakësuar shikueshmërinë e kundërshtarëve si një motor kërkimi ka abuzuar me dominimin e tregut”.
Ky vendim tregon seriozitetin e abuzimit të kompanisë Google, ku i është dhënë një gjobë rekord me 2.42 miliardë euro dhe i është kërkuar që të kryejë një “trajtim të barabartë” për kundërshtarët në shërbimet e shitblerjeve.
Sakaq, nëse Google nuk zbaton atë që i është caktuar në afatin 90-ditor, do të ndëshkohet dhe me një gjobë prej 12.5 milionë euro në ditë.
Google ka afat 2 muaj për ta apeluar vendimin. /tesheshi.com/
