Një pemë 215 vjeçare e vjetër është shkatërruar nga rrënjët për shkak të motit të keq në Collooney, në kontenë irlandeze në Sligo. Ajo që është gjetur poshtë pemës është me të vërtetë e mrekullueshme dhe mbresëlënëse. Bëhet fjalë për një skelet njerëzor të ndarë në dy pjesë
Sipas fondacionit arkeologjik Sligo-Leitrim Archaeological Services, bëhet fjalë për një varr mesjetar. Viktima mund të jetë një mashkull nga 17 në 20 vjeç, i cili ka ndërruar jetë nga viti 1030 deri në vitin 1200, në një mënyrë të dhimbshme. Këtë e tregojnë të vrarat në qafë dhe në dorë.
Sipas Irish Times, dokumentet historike tregojnë se një herë e një kohë, në këtë zonë ka qenë një kishë dhe një varrezë, por deri më tani nuk janë gjetur gjurmë të tjera skeletesh, për të vërtetuar ekzistencën e varrezës. Sipas doktor Marion Dowd nga SLAS, mbetjet mund t’i përkasin edhe një njeriu i cili ka qenë duke u arratisur apo fshehur nga diçka: “Nuk e dimë nëse ka vdekur në një betejë apo nëse bëhet fjalë për një konflikt personal”,- janë fjalët e tij./tesheshi.com/
