Një operacion i organizuar në Monza të Italisë, u finalizua me arrestimin e 17 personave, të cilët akuzohen për vjedhje.
Grupi operonte në Milano, Monza Brianza, Bergamo, Chieti dhe Pavia.
Sipas mediave italiane të arrestuarit ishin mes moshave moshave 21 deri në 65 vjeç. Në grupin e të arrestuarve janë 7 shqiptarë, 6 italianë, 1 maroken, 1 egjiptian, 1 rumun dhe 1 bullgar, të cilët akuzohen për vjedhje si dhe riciklim të makinave të vjedhura luksoze.
“Larena.it”, shkruan se grabitjet kryheshin kryesisht në aeroportin e Milanos ‘Malpensa’, si dhe në një parkim të një hoteli luksoz në Versilia.Sipas mediave, banda drejtohej nga një shqiptar që banonte në Monza.
Makinat që vidheshin nxirreshin në treg për shitje, ndërsa sipas mediave italiane ato akuzohen për vjedhjet e të paktën 23 automjeteve me një vlerë prej 1,750,000 euro.
Policia arriti të gjente 17 mjete në krahinat e Ankonës, Barit, Bergamo, Brescia, Como, Genoa, Verona, si dhe në Shqipëri, Gjermani dhe Malit të Zi.
Hajdutët përdornin sistemin “jammer”, aparate që çaktivizojnë mekanizmat e hapjes dhe të antivjedhjes në makina, ku neutralizojnë edhe sistemin GPS. Pasi vidheshin, mjetet luksoze fshiheshin në garazhe nëntokë në Lombardi. /tesheshi.com/
