Policia turke ka arrestuar shtatë nga nëntë të dyshuar në lidhje me ndërtimin e ndërtesave të shkatërruara në tërmetin që goditi Izmirin më 30 tetor.
Dy persona janë liruar por do të jenë nën mbikëqyrjen gjyqësore.
Prokuroria Publike e Izmirit tha se njerëzit e përfshirë në ndërtimin e ndërtesave të shkatërruara në tërmetin në rrethin Bayrakli ishin arrestuar.
Të dyshuarit thanë në deklaratat e tyre të para se ata i ndërtuan godinat në përputhje me rregulloret dhe procedurat ligjore, raporton Anatolia.
Prokuroria Publike në Izmir ka filluar një hetim kundër personave që ndërtuan godinat shkatërruara dhe të dëmtuara rëndë në tërmet, dhe deri më tani është lëshuar një urdhër për kapjen e 11 individëve.
Tërmeti vrau 114 njerëz
Agjencia e Menaxhimit të Emergjencave (AFAD) tha të mërkurën se tërmeti në rajonin e Egjeut turk kishte vrarë 114 njerëz dhe plagosur më shumë se 1,000.
137 persona të plagosur u mbajtën në spital.
Një tërmet me madhësi 6.6 tronditi Izmir dhe rajonet fqinje të premten, pas së cilës u regjistruan 1.621 tërmete në rajon, 44 prej të cilëve ishin më të fortë se 4.0 të shkallës Rihter.
Ekipet e shpëtimit shpëtuan më shumë se 105 persona nën rrënoja, përfshirë 3-vjeçaren Elif Perincek, e cila u nxor nga rrënojat pas 65 orësh dhe 4-vjeçaren Ayda Gezgin, e cila ishte nën rrënoja për 91 orë. /tesheshi.com/
