Ish-kryebashkiaku i Dibrës, Shukri Xhelili ka ankimuar në Gjykatën Kushtetuese vendimin e Kryeministrit Edi Rama për ta shkarkuar nga Bashkia pas video-skandalit të shfaqur në media.
Xhelili, i cili ndodhet në qeli, nuk e ka pranuar vendimin e shkarkimin duke kërkuar rrëzimin e tij. Ai ka ankimuar në Gjykatën Kushtetuese vendimin e Këshillit të Ministrave, që e shkarkoi për shkelje të rënda të Kushtetutës dhe ligjeve.
Në të shkuarën, gjykata ka marrë vendime për dy raste të ngjashme shkarkimi, kur dy kryetarë komunash u shkarkuan nga qeveria në vitin 2011 dhe 2013, pas raporteve të deklarimit të pasurive dhe Kontrollit të Lartë të Shtetit.
Vendimet e gjykatës janë barazim. Për të parin është lënë në fuqi vendimi i qeverisë, për të dytin vendimi i qeverisë është rrëzuar dhe kryetari i komunës u kthye në detyrë. /tesheshi.com
