Mund të konsiderohet si shkarkimi më i bujshëm deri më tani nga vettingu, ai i Artan Brocit.
Një prej figurave më të njohura të sistemit të drejtësisë në 25 vite, emri i Artan Brocit kishte dhe një vokacion gjysëmpolitik. I njohur si vëllai i dëshmorit simbol të 2 Prillit në Shkodër, Arben Brocit, ai gjithherë është parë një eksponent anti-komunist në drejtësi, i përkthyer në vendimarrjet delikate si njeri i PD-së.
Megjithatë, ai është përpjekur të tregohet si një njeri me integritet, gjithnjë në distancë nga politika, edhe pse pak ose aspak është besuar se ndër rason e zezë të vendimarrjes nuk i lëvrijnë dhe preferenca e njëherësh antipatira politika. Më troç, komunistët ja kanë vrarë vëllanë; e në kontekstin shqiptar kjo përkthehet si anti-socialist, edhe në mos qoftë simpatizant demokrat. Dhe kjo doli në pah sapo mbi të u dha verdikti i shkarkimit nga detyra. Në nerv e sipër – pasi nuk është e lehtë për të që të merr të tillë goditje pas kaq vitesh karrierë – ai rrëshqiti në pozicione politike duke e parë vendimin e KPK-së për të si urdhër nga Rama.
“K.P.K si komisarët politikë të kryeministrit nuk dolën dot nga urdhërat politikë. Unë provova se të ardhurat e mija janë të ligjshme, të konfirmuara nga Tatimet; kalova në pikëpamjen time të tre testet: atë pasuror, profesional dhe figurën; por nuk kalova dot testin e nënshtrimit për çështje të caktuara dhe atë të Kryetarit të Këshillit të Emërimeve në Drejtësi”, tha Broci.
Nuk duhej ta kishte bërë. Ai është jurist dhe duhej të fliste vetëm me gjuhë juridike, pikërisht për vetë pozitën specifike që ka. Si jurist, ai ka mundësinë që ta diskretitojë në shumë forma vendimmarrjen ndaj tij, përfshirë dhe procesin apelues e të tjera më pas. Dhe brenda kësaj është e fshehur edhe një luftë politike. Por dalja kaq haptazi, duke u pozicionuar menjëherë politikisht, do i krijojë një të çarë të rëndë në integritet e besueshmëri. Sepse, po sikur komisioni i apelimit të vendos pro tij?
Ndërsa Rama, sido që të jenë vendimmarrjet, është i mbrojtur me OMN-në, Operacionin Ndërkombëtar të Monitorimit. Për çdo ankesë, të tregon me gisht atë…/tesheshi.com/
