“Trajnerët janë gjithmonë me valixhe në duar”. Kjo është një shprehje tashmë e njohur në botën e futbollit dhe për të janë të bindur pothuajse të gjithë trajnerët sapo postin e teknikut kryesor në skuadër.
“Tesheshi.com”, transmeton disa raste mjaft interesante të menaxherëve të futbollit që u pushuan nga puna në mënyrën më fyese:
Leroy Rosenior – u shkarkua brenda 10 minutash
Në vitin 2007, presidenti i skuadrës, Torquay United F.C, kishte emëruar si trajner Rosenior-in, mirëpo pasi ky i fundit shiti 51% të aksioneve në klub, partneri i ri vendosi të emërojë Paul Buckle-n, si menaxher në vend të Rosenior.
Nigel Adkins – dëgjoi për shkarkimin e tij në TV
Pasi e inkuadroi Southampton-in në Premier League, Adkins dëgjoi për shkarkimin e tij në TV. Kjo erdhi pas rezultateve të dobëta, ku skuadra e tij në edicionin e ri ndodhej vetëm tre pikë larg zonës së rrezikshme dhe në vend të tij erdhi Mauricio Pochettino nga Espanyol.
Trevor Francis – shkarkohet në ditëlindjen e tij.
Në Prill të vitit 2003, Crystal Palace shkarkoi menaxherin, Trevor Francis, gjashtë lojë para përfundimit të sezonit. Në atë kohë, Palace ishin në mesin e tabelës së kampionatit Championship.
Martin Jol – u shkarkua pas përfundimit të pjesës së parë
Martin Jol, menaxhoi Tottenham Hotspur për tre vjet, pasi mori detyrën në nëntor të vitit 2004, kur ai u emërua fillimisht si asistent menaxher. Në vitin 2007, me rezultate të dobëta, Spurs fitoi një lojë në 10 ndeshje, që ishte fillimi i tyre më i keqe në 19 vitet e fundit. Kryetari i klubit, Daniel Levy dhe drejtori sportiv Damien Comolli, morën vendim që ta sjellin një menaxher të ri.
Vladica Petrovic – u shkarkua përmes Facebook-ut
Në kohën e internetit dhe mediave sociale, kjo me të vërtetë është diçka që meriton t’i kushtohet vëmendje. Vladica Petrovic, i cili ishte menaxher i klubit boshnjak FK Drina Zvornik, kuptoi se u shkarkua në faqen e klubit në Facebook. Petrovic ishte emëruar gjatë verës, por sezoni nuk ishte duke shkuar shumë mirë për klubin. Ata kishin fituar vetëm dy nga 10 ndeshjet që ai ishte përgjegjës dhe ishin fund të Premier Ligës boshnjake, në kohën e shkarkimit të tij. Klubi ndau lajmin në faqen e tyre në Facebook më 30 shtator të vitit 2015.
Gustavo Poyet – u shkarkua gjatë një emisioni në BCC
Uruguajani ishte në krye të Brighton & Hove Albion, kur ai u ftua në një emision në BBC. Ndërkohë klubi lëshoi një deklaratë zyrtare, ku mes tjerash shkruhej: “Gustavo Poyet është njoftuar sot nga paneli disiplinor i brendshëm i Brighton & Hove Albion Football Club se punësimi i tij është ndërprerë me efekt të menjëhershëm”.
Carlo Ancelotti – u shkarkua në tunel
Pasi fitoi Premier Ligën dhe FA Cup, në sezonin e tij të parë me Chelsean, Carlo Ancelotti u shkarkua pa mëshirë në fund të sezonit të ardhshëm, kur klubi mbeti pa trofe. Çfarë e bëri shkarkimin edhe më të keq, ishte fakti se mandati i tij u ndërpre një ore pas humbjes në xhiron e fundit të kampionatit, saktësisht në Main e vitit 2011, me rezultat 1-0 nga Everton.
Chelsea kishte humbur garën për titull me Manchester United-in, duke u renditur e dyta në tabelë me 71 pikë.
Menjëherë pasi Ancelotti kishte mbaruar deklaratat për media, shefi ekzekutiv Ron Gourlay ishte duke e pritur në tunel, me ç’rast edhe e informoi italianin për vendimin e klubit rreth shkarkimit të tij. Pas shkarkimit, Ancelotti fitoi më shumë trofe se Chelsea, në vitet në vazhdim. /tesheshi.com/
