Projekti “16th Avenue Tiled Steps” është një realizim i një lagjieje të tërë që ka hedhur mundin e vetë për të krijuar një mozaik të vërtetë përgjatë një shkalle me 163 hapa.
Shkallët gjenden në rrugën Moraga 16, në San Françisco. Projekti nisi në janar të vitit 2003 me mbështetje të shoqatës “Golden Gate Heights Neighborhood” dhe me sponsor zyrtar të “The San Francisco Parks Trust”.
Projekti u udhëhoq nga dy artistët Aileen Barr dhe Colette Crutcher. Mozaiku përfundoi në gusht të vitit 2004 një muaj më herët nga se ishte parashikuar në projekt. Në mozaik portretizohet një numër prej 220 kafshësh, zogjsh dhe peshqish të pikturuar ndër dekorime të tjera. /tesheshi.com/
