Tjetër betejë ligjore kundër kompanisë Johnson & Johnson, ku produktet e tij vihen në akuzë se shkaktojnë kancerin në vezore tek femrat.
Pas vendimit historik të shkurtit të vitit 2016, ku u konstatua një lidhje direkte mes kancerit në vezore dhe pluhurit borotalco të shitur nga kompania ku vdiq një grua 62- vjeçare, “Johnson & Johnson” po përballet me mijëra procese gjyqësore nga ana e grave të sëmura ose nga të afërmit e tyre.
Rasti i fundit vjen nga Shtetet e Bashkuara të Amerikës, nga Missouri, ku kompania e njohur duhet të paguajë një shumë të majmë.
Një gjykatë në St. Louis në javën e parë të majit, e dënoi kompaninë që të paguajë si dëmshpërblim 5.4 milionë dollarë për dëmet e shkaktuara ndaj një gruaje amerikane por edhe 115 milionë dollarë gjobë.
Viktima është një grua nga Virginia, Lois Slemp, e cila deklaroi se ishte prekur nga kanceri në vezore pas afro dhjetë vitesh përdorim për higjienën intime të produkteve të kompanisë me bazë borotalco.
Gruaja aktualisht po i nënshtrohet kimioterapisë, pas diagnostikimit të kancerit në vitin 2012, i cili u përhap në mushkëri, shkruan noa.al.
Nga ana e saj kompania “Johnson & Johnson” deklaroi se do e apelojë vendimit, sidomos pasi në muajin mars fitoi një rast analog ndaj një gruaje amerikane në Tennessee./tesheshi.com/
