Na ndodh shpesh që thonjtë të na çahen dhe të na dëmtohen. Ato mund të bëhen fletë-fletë. Duken më të zbehta, më elastike, me vija vertikale dhe tepër të holla. Ja cilat janë shkaqet kryesore:
Mungesa e ujit – Pini pak ujë? Nëse përgjigja është po, thonjtë janë të thatë dhe të brishtë, çka tregon probleme me dehidratimin.
Mangësi ushqyese – Mungesa e kalciumit, zinkut, vitaminës A, vitaminës B5 dhe B6, të cilat kontribuojnë në zhvillimin dhe rritjen e thonjve, mund të jenë shkaktarët kryesore, siç ndodh me aneminë, e shkaktuar nga mungesa e hekurit.
Hipertiroidja – Thonjtë bëhen të butë dhe pa shkëlqim? Në këtë rast thonjtë mund të tregojnë një problem me tiroiden dhe më specifikisht me hipertiroidizmin. Në këto raste, këshillohet të bëni një vizitë tek mjeku endokrinolog, i cili do t’ju sugjerojë analizat e duhura.
Detergjentë agresivë – Nuk duhet t’i nënvlerësojmë detergjentët që përdorim, pasi thonjtë tanë dëmtohen në masë të madhe nga ata, duke u bërë tepër të dobët. Zgjidhni produkte ekologjike me përbërës jo kimikë dhe përdorni gjithmonë doreza.
Infeksione nga bakteret – Infeksionet miotike, të cilat mund të prekin si thonjtë e duarve dhe të këmbëve, mund të kontribuojnë në dobësimin e tyre. Në këto raste, kur vini re edhe enjte apo skuqje, duhet të drejtoheni tek një mjek./tesheshi.com/
