Nuk bëhet fjalë për ndonjë liqen. Këto janë fotografitë që janë shkrepur nga qytetarët shkupjan nëpër rrugët e tyre në lagjet ku jetojnë shqiptarët pas shiut të rrëmbyeshëm që vërshoi Shkupin para një ore. Ky shi madje ka hapur pellgje nëpër rrugë, duke e bërë atë jo vetëm të pakalueshme, por edhe të rrezikshme.
Ky shi u ka sjellë dëme të konsiderueshme banorëve të Çairit edhe nëpër shtëpitë e tyre. Madje ata nuk kanë hezituar që të kritikojnë kreun e komunës, Izet Mexhitin si shkaktar kryesor për gjendjen anomalike të rrugëve, ngase ai edhe në mandatin e tretë në pushtet nuk ka rregulluar kanalizimin.
Duhet të binte ky shi, ku të shpërfaqej dhe njëherë situata e rëndë në lagjet shqiptare ët Shkupit, ndryshe nga ato të maqedonasve. M.Krasniqi – /tesheshi.com/
