Struktura origjinale e çelikut, animacioni robotik që u përdor për E.T. i alienit në filmin e Steven Spielberg me të njëjtin emër, u shit në ankand për një rekord prej 2.6 milionë dollarësh, njoftuan organizatorët e ankandit.
E.T. ishte ylli i një ankandi dyditor të mbajtur gjatë fundjavës, i cili ofroi edhe 1300 artikuj të tjerë nga filmat e famshëm, si dorezat e boksit të mbajtura nga Robert De Niro në filmin “Raging Bull” apo vareja nga filmi “Thor”.
Modeli alien gjeti edhe blerësin e saj për 125,000 dollarë.
Artikuj të tjerë të famshëm gjithashtu arritën çmime të larta në ankand. Shkopi që aktori Charlton Heston përdori për të ndarë Detin e Kuq në filmin “The Ten Commandments” u shit për 448,000 dollarë. Ndërsa fshesa e Harry Potter Nimbus 2000 u shit për 128,000 dollarë. /tesheshi.com/
