Atletet e veshura nga “legjenda e gjallë” e NBA, Michael Jordan në titullin e fundit të Chicago Bulls në 1998 u shitën për 2.2 milionë dollarë, duke vendosur një rekord të ri, tha shtëpia e ankandeve Sotheby’s.
Ish-superylli i Bulls riafirmoi titullin e tij si “mbreti” i ankandeve sportive të koleksionit, duke tejkaluar rekordin që mbante për atlete (1.4 milion dollarë në 2021), ndërsa pati dhe fanellën më të shtrenjtë (10.1 milion dollarë në shtator 2022).
Janë “atletet më të shtrenjta të shitura ndonjëherë”, sipas një deklarate nga shtëpia e ankandeve me bazë në New York.
Air Jordan XIII (“Black and Red”) u paraqit në kampionatin e fundit të dinastisë së Çikagos NBA në 1998 kundër Utah Jazz.
Jordan i veshi në finalen e dytë, në parketin e Solt Lake City, ku Bulls fituan me 93-88, falë 37 pikëve të “ajrit”.
Megjithatë, vlen të theksohet se Sotheby’s nuk ka dhënë asnjë informacion për shitësin apo blerësin. /tesheshi.com/
