Administrata e Presidentit të SHBA Joe Biden i tha Kongresit se ajo vazhdon të shesë armë në Emiratet e Bashkuara Arabe, me vlerë 23 miliardë dollarë dhe shitja përfshin avionë të përparuar F-35, dronë të armatosur dhe pajisje të tjera, thanë këshilltarët e Kongresit, raporton Reuters.
Departamenti i Shtetit deklaron se administrata do të vazhdojë me shitjet e propozuara në Emiratet e Bashkuara Arabe “megjithëse ne jemi ende duke kontrolluar detajet dhe duke u konsultuar me zyrtarë të Emirateve” se si të përdorin armët.
Administrata e presidentit demokrat ka ndaluar rregullimet e mbajtura nga ish-lideri republikan Donald Trump për t’i kontrolluar ato. Shitjet ndaj kombit të Gjirit u finalizuan pak para se Trump të linte detyrën.
Marrëveshjet Abrahamike
Administrata Trump i tha Kongresit në nëntor se kishte miratuar shitjen në Emiratet e Bashkuara Arabe në formën e një marrëveshje shtesë për Marrëveshjet Abrahamike, një marrëveshje e ndërmjetësuar nga Shtetet e Bashkuara në shtator, ku Emiratet ranë dakord të normalizonin marrëdhëniet me Izraelin.
Në muajt e fundit të administratës Trump, Izraeli ka arritur marrëveshje me Emiratet, Bahreinin, Sudanin dhe Marokun si pjesë e kësaj marrëveshjeje.
Paketa prej 23.37 miliardë dollarësh përbëhet nga 50 aeroplanë F-35 Lightning II, deri në 18 dronë MQ-9B dhe një paketë municionesh ajër në ajër dhe ajër në tokë. /tesheshi.com/
