Një karrige 394 mijë dollarëshe. Nuk behet fjalë për një karrige të çfarëdoshme, por për atë në të cilën Joanne K. Rowling ka shkruar dy romanet e para të sagës së Harry Potter.
Karrigia u shit ditën e djeshme gjatë një ankandi në Shtëpinë e Ankandit Heritage në Waldorf Astoria të New Yorkut për 394 mijë dollarë. “U habita që Rowling donte të shiste karrigen e saj”,- ka thënë Gerald Grey, pronar i Herritage.
Në vitin 2002 shkrimtarja e njohur e kishte dhuruar karrigen në një organizatë bamirësie britanike për mbrojtjen e fëmijëve.
Karrigia ka një strukturë prej dru lisi, një jastëk të ndërtuar me dorë nga vetë Rowling dhe është në stil të viteve ’30. /tesheshi.com/
